هدفى فى سموحة لن انساه والحب بين الجهاز الفنى واللاعبين سر النجاج فى الموسم الجديد حبيت البلد دى ونفسى اقدم لها حاجة
بنرحب بيك كابتن احمد حسن نجم وهداف نادى العاب دمنهور على منتدى رابطة نادى دمنهور
اهلا بيك وبمنتدى رابطة دمنهور
كابتن احمد حس احد هدافى الفريق فى الموسمين الماضين نحب نعرف مشوارك الكروى من البداية الى ان اصبحت للاعب فى صفوف الفريق
بدات فى الشرقية للدخان ثم الشرق للتامين واتحاد الشرطة ثلاث مواسم ثم فريق الاعلامين ومن الاعلامين جات لدمنهور عن طريق الكابتن عفت نصار والموسم القادم هو الثالث لى مع فريق دمنهور والحمد لله كنت هداف الفريق فى الموسمين الماضين
ماهى افضل مواسمك فى صفوف الناشئين ومن من المدربين له الفضل بعد الله سبحانه وتعالى فى مشوارك الكروى
ابتديت مع الناشئين مع الكابتن اشرف ريان كان مدربى فى الشرقية للدخان فى الناشئين فى الشرق للتامين كان الكابتن عادل عبد الواحد وفى الشرطة برضه كان الكابتن عادل عبد الواحد مع الكابتن علاء عبد العال وسنة الاعلامين الكابتن عادل عبد الواحد برضه
ماهى افضل مواسمك مع الناشئين حتى صعودك لصفوف الفريق الاول
فى الناشئين السنة التى كنت فيها فى الشرق للتامين كان عمرى 18 سنة وسجلت 17 هدف مع الناشئين وصعدت من الناشئين الى الدرجة الاولى مع الكابتن عادل عبد الواحد ولعبت معهم حوالى 13 مباراة سجلت فيها 10 اهداف
نعلم انك انضممت لصفوف دمنهور من فريق الاعلامين من تفاوض معك للانضمام لدمنهور
الكابتن عفت نصار كان مدربا لفريق منوف وكنت العب مع فريق الاعلامين وكان فريق منوف يلاعبنا مباراة ودية فبعد المباراة تحدث معى وعند بداية الموسم وتولية تدرب دمنهور اتصل بى وجئت لدمنهور وجلست مع الكابتن خميس بركات الذى اعتبره الاب الروحى ليا فى دمنهور
هل الانضمام لدمنهور اثر تاثير ايجابى على الكابتن احمد حسن
طبعا الفضل يرجع بعد ربنا للنادى عرف الناس باسم احمد حسن والحمد لله رب العالمين الموسمين الماضين اسمى بدا يتردد كثير هداف الفرق سنتين وجاء ليا فى اول موسم اكثر من عرض والموسم الحالى جاء الى اكثر من عرض بس النادى تمسك بيا وجلست مهم وكان الكلام ليا ان الموسم الحالى مكن نصعد للدورى الممتاز ففضلت ان ابقى الموسم الحالى ان شاء الله لو فى امل انى اجدد فى حالة الصعود باذن الله
الكابتن احمد حسن بيعتبر الموسم قبل الماضى اكثر توفيقا فى التهديف او الموسم الماضى
هو الموسم قبل الماضى لانى سجلت 18 هدف وكنت موفقا بفضل الجهاز الموجود وكان فى تفاهم كبير بينى وبين الكابتن اشرف خميس ومحمد علوش كان فى تفاهم كبير جدا فالحمد لله دخلت مع الفريق سريعا اما الموسم الماضى مش عدم توفيق مكنتش لية نصيب فى بداية الموسم مع الكابتن ايمن منصور اننى ملعبتش معه كثر ومكنتش موفق فاثر علية فى التهديف فى اول موسم لى مع الكابتن عفت سجت 18 هدف والموسم الماضى سجلت 11 هدف
من من المدربين يعتبره الكابتن احمد حسن صاحب فضل علية فى مشواره الكروى بعد الله سبحانه وتعالى
بعد ربنا طبعا الكابتن عادل عبد الواحد ولما جئت لدمنهور محستش باى فرق خالص حسيت اننى من البلد وتعاملت مع الكابتن خميس بركات بصراحة الراجل دة بامانة هو النادى مع احترامى للجميع بس هو يعتبر فعلا الاب الروحى ليا فى دمنهور والكابتن بسام مرسى طبعا
من وجهة نظر الكابتن احمد حسن ما هى اسباب اخفاق دمنهور فى الصعود للدورى الممتاز جتى على مدار الموسمين الذى تواجدت معهم فى دمنهور
الموسم قبل الماضى مع الكابتن عفت كنا قريبن جدا من الصعود كنا لاخر ثلاث مباريات ننافس على الصعود بس هى القصة انه مكنش فى توفيق وكان هناك خلافات بين الكابتن عفت وبين مجلس الادارة فاثر على الفريق بالسلب فهذا من ضمن الاسباب والفارق كان قريب جدا وكنا لاخر ثلاث مباريات قريبين من الصعود احنا فضلنا من اول الموسم 22 مباراة بدون هزيمة دى فى حد ذتها حاجة كويسة جدا ابتدت تدخل المشاكل والخلافات بين الكابتن عفت ومجلس الادارة وطبعا كل دة اثر على الفريق بشكل سلبى والموسم الماضى مكنش فى توفيق خالص من البداية مع الكابتن ايمن كنا من بداية الموسم بعيد 9 مباريات وكان عندنا 9 نقاط فالفريق يصعد ازاى وانت لعبت 9 مباريات لم تحصل منهم الا على 9 نقاط فى الوقت الى فريق سموحة لعب 9 مباريات ب27 نقطة فهذا اثر بس الحمد لله اننا انهينا الموسم برضه ولا وتحت ولا فوق برضه فى وسط الجدول فكانت المسئلة كلها صعبة من البداية
من وجهة نظر الكابتن احمد حسن الحل الامثل لصعود دمنهور للدورى الممتاز فى اقرب وقت
ان يوفر مجلس الادارة الامكانيات وانا ارى ان الموسم الحالى الامكانيات الحمد لله متوفرة ومجلس الادارة موفر الامكانيات وادينا صرفنا فلوس ال25 فى المية المتبقية للاعبين القدامى عن الموسم الماضى الاخيرة وتم الان التجهيز للدفعات الجديدة للاعبين الجدد بالاضافة للجهاز الفنى الموجود بقيادة رضا عبد العال والكابتن بسام مرسى مدربين على مستوى عالى من الفكر والتفاهم والحب الى انا اصلا ملقتهوش من سنتين الحب دة بين الجهاز الفنى سيبك من اللاعيبة والكلام دة كله سر النجاح وسر الصعود ان يكون الجهاز بيحب بعضه فالحب الى انا فعلا ملقتهوش من موسمسن السنادى فعلا شايف فى تفاهم كبير بين الكابتن رضا وبين الجهاز المعاون له فهذا برضه سر من اسرار ان شاء الله ربنا يوفقنا ونعمل اى حاجة للبلد ونصعد للدورى الممتاز ان شاء الله
كيف ترى كابتن احمد حسن فترة اعداد الفريق الحالية ترى من وجهة نظرك الصفاقات الجديدة للفريق مفيدة
احنا بدانا فترة الاعداد من 1-6 على اساس ان اتحاد الكرة قال ان الدورى حيبدا بدرى اما جا الدورى تاجل فضل الكابتن رضا اننا منريحش ودة كان راى سليم لانه مينفعش بعد مبدات والاعداد القوى الجرى والتحملات دى تريح وترجع ثانى تبتدى من جديد الكلام دة كله فالحمد لله دخلنا فى الكورة بدرى ودى ميزة انك تدخل فى الكورة بدرى علشان تجى فى بداية الدورى يقولون لسة مفيش انسجام علشان لسة الاعداد فالكورة بعيدة الكورة هربانة من اللاعبين فاحنا بدانا الكورة بدرى فان شاء الله ندخل على الدورى وربنا يوفقنا باذن الله بالنسبة للصفقات الى جات للفريق كلهم على مستوى عالى طبعا تم اختيارهم بدقة من وجهة نظر الجهاز الفنى كان اختيارهم وانا شايف ان كلهم على مستوى عالى احمد حسن نعيم ابراهيم احمد عبد الرحمن سيد عبد النعيم ابراهيم المنسى انا مش عايز انسى حد طبعا محمد حسن الباك الشمال ومحمد السيد المهاجم كلهم اضافات قوية وكويسة جدا للنادى فيارب يكون ليهم نصيب معانا فى الصعود بالفريق للدورى الممتاز ان شاء الله السنادى
كابتن احمد حسن شايف ان الفريق محتاج مهاجمين جدد ولا المهاجمين المتواجدين فى الفريق قادرين على قيادة خط هجوم دمنهور فى الموسم الجديد
المهاجمين الموجودين يعنى موجود الكابتن اشرف خميس موجود المونية موجود اثين من الناشئين دول مستقبل النادى احمد الحجاوى وميدو الصعيدى حيبقم حاجة كويسة للنادى لقدام بس طبعا لسة علشان ماخدوش الخبرة الاضافة لمحمد السيد الذى تعاقد معه النادى مؤخرا من المهاجمين المتميزين نتمنى ان ربنا يوفقه ويكون هداف برضه مع الناس دى كلها
من من المهاجمين الكابتن احمد حسن بيحب يلعب بجواره من حيث التفاهم داخل الملعب
كل المهاجمين حبايبى وتربطنى بهم علاقة كويسة جدا لكن بمنتهى الامانة انا بقالى سنتين فى النادى مبرتحش او بحس ان فى تفاهم الا بينى وبين الكابتن اشرف خميس الكلام دة كان برضه وجهة نظر وخلاف مع الكابتن ايمن منصور الى انا وصلت للكابتن ايمن اننى لا استطيع اللعب مع اى مهاجم من المهاجمين الى كلهم على مستوى عالى بس انا وصلتله اننى لا اجد تفاهم الا مع الكابتن اشرف خميس فالكلام وصل الية بالخظا وحدثت مشكلة مع اشرف وجلس فى البيت وانا بدات ابعد شوية عن الفريق
ما هو الهدف الذى احرزته ومش ممكن تنساه حتى الان
هدفى فى سموحة فى ستاد الاسكندرية اول سنة لان الهدف دة كانت الفترة دى فى مشاكل بين ادارة النادى والجهاز الفنى لو مكسبناش الجهاز الفنى كله كان سيرحل طبعا الجهاز الفنى كانت تربطنى به علاقة قوية وكانت تربتطنى بهم علاقة حب مكنتش قادر ان الناس دى تمشى وبعدين الحمدلله ربنا كرمنى فى المباراة بالهدف دة وجات الى الجهاز الفنى كله وربنا كرمنا وكسبنا المباراة دى 2-1
ماهو النداء الى بتحبه من جماهير ورابطة دمنهور
هما بينادم كذا نداء بس هو لما تحب تجيب الجول اطلب احمد حسن على التليفون دة بحبه فعل
ما رئيك فى رابطة محبى وعشاق دمنهور وهل كان لها اثر ايجابى على الفريق
الناس دى بصراحة هو الرابطة ابتدت تتظبط من الموسم الماضى احنا كنا فعلا مش ماشين كويس وكان مستوى الفريق فى النازل وكانت الناس دى وقفين معانا بكل ما ياتيهم من قوة كانوا بيساندم الفريق فى عز ما كنا واقعين كانوا بيساندم الفريق وطبعا لما ربنا بيكرمنا ونكسب اكيد بيكون لهم دور ايجابى كبير
كابتن احمد حسن بتوعد باية جماهير ورابطة محبى وعشاق دمنهور فى الموسم الجديد
ربنا يوفق بس ونكون عند حسن ظن الجمهور الموسم الجديد مع الجهاز الفنى بقيادة رضا عبد العال وبسام مرسى والكابتن خميس بركات ان ربنا يوفقنا انا شايف فى حب وتفاهم بين الجهاز وشايف برضه فى حب وتفاهم بين اللاعبين فكل دة حيعود علينا فى الملعب ويكون هناك توفيق ونصعد باذن الله للدورى الممتاز
عدل سابقا من قبل el gamal في السبت أغسطس 15, 2009 7:13 am عدل 3 مرات